22.8 C
Skopje

Dyshohet për disa të vdekur në Tetovë

Zjarri që shpërtheu në spitalin modular në Tetovë është shuar, por spitali modular është djegur plotësisht. Jo zyrtarisht, dyshohet për disa viktima, përfshirë pacientë dhe stafin mjekësor.

Zjarri që shpërtheu rreth orës 21 dhe zjarrfikësit dhe policia u dërguan menjëherë për të shuar zjarrin. Pritet një inspektim dhe të shpallet numri zyrtar i vdekjeve.

Të gjithë nga kabineti qeveritar duke filluar nga Kryeminsitri Zoran Zaevi, zv/kryeministri Artan Grubi, Ministri i shëndetësisë, Venko Filipçe, ministri i MPB-së Oliver Spasovski dhe ministra e zv/ministra kanë arritur të gjithë në Tetovë, duke përfshirë edhe kryetarin e BDI-së, Ali Ahmetin, pas zjarrit që shpërtheu në COvid Qendrën në Tetovë.

Më shumë se 30 zjarrfikës të cilët ndërhynë me shtatë automjete në gati gjysmë ore e shuan zjarrin që shpërtheu sonte në spitalin modular në Tetovë, raporton TetovaSot.

Siç u shpreh zëvendës komandanti i zjarrfikësve të Tetovës, Saso Trajcevski, flakët ishin të mëdha dhe viktimat u nxorrën nga spitali, por kjo pritet të konfirmohet zyrtarisht.

“Në orën 9:02 të mbrëmjes, u raportua se spitali modular në Qendrën Mjekësore – Tetovë ishte në flakë. Ekipet mbërritën në vend për rreth tre ose katër minuta me rreth shtatë automjete dhe mbi 30 zjarrfikës po marrin pjesë nga të dyja anët. Kur ekipet mbërritën, gjithçka ishte në zjarr. Ishte e brendshme, jo e jashtme. Çdo gjë që përdorëm në orën 21:30 e lokalizoi zjarrin. Në orën 21:45 ai u shua plotësisht. Ndërsa zjarri po shuhej, flakët ishin të mëdha, spitali modular ishte i gjithi prej plastike dhe viktimat po evakuoheshin. Ne nuk mund ta dimë numrin, ende nuk kemi të dhëna për të parë sa janë, çfarë janë. Unë mendoj se atje është ende një viktimë tjetër, me siguri ka vdekur. Por ka shërbime që po punojnë në të dhe duhet të përcaktojnë se çfarë është dhe si. Ne nuk mund të japim informacion në lidhje me këtë. Shërbimet do ta zgjidhin atë” tha Trajcevski.

Marketing