22.8 C
Skopje

Komuna e Çairit u binjakëzua me Stari Gradin e Sarajevës, Çarshia e Vjetër dhe Bash Çarshia tanimë pranë njëra tjetrës

Ditën e sotme Kryetari i Komunës së Çairit, Visar Ganiu bashkë me kryetarin e Komunës së Stari Gradit, z.Ibrahim Haxhibajriç, nënshkruan marrëveshjen për binjakëzimin e Komunës së Çairit dhe të Komunës Stari Grad të Sarajevës, Bosnjë e Hercegovinë.
“Sot përveç që u binjakëzuan dy komunat, i sollëm shumë më afër dy çarshitë më të bukura, Çarshinë tonë të Vjetër që gjendet në zemër të Çairit dhe Bash Çarshinë që gjendet në zemër të Sarajevës. Më gëzon fakti që vendi i nënshkrimit të marrëveshjes ishte pikërisht Çairi ynë i bukur”, ka thënë Ganiu.
Ai ka theksuar se krijimi i partneriteteve të reja hap edhe dyer të reja.
Me delegacionin nga Bosnja e Hercegovina, pas nënshkrimit të Marrëveshjes së binjakëzimit, kryetari i Çairit Visar Ganiu, vendosi edhe lule tek Memoriali i viktimave të Srebrenicës që gjendet në Parkun e Çairit.
Marketing