-0.2 C
Skopje

Ministria e Ekonomisë dhe Platforma Kombëtare për Sipërmarrjen e Grave nënshkruan Memorandum bashkëpunimi për fuqizimin ekonomik të grave sipërmarrëse

Ministri i Ekonomisë Kreshnik Bekteshi dhe Valentina Disoska nga Platforma Kombëtare për Sipërmarrjen e Grave sot në ambientet e Ministrisë së Ekonomisë nënshkruan Memorandum Bashkëpunimi.
Qëllimi i këtij Memorandumi Bashkëpunimi është fuqizimi ekonomik i grave duke krijuar një klimë të favorshme biznesi dhe duke siguruar mbështetje dhe infrastrukturë sistemike për zhvillimin, mbështetjen dhe promovimin e ndërmarrësisë së grave dhe ngritjen e nivelit të bashkëpunimit në të ardhmen.
“Ministria e Ekonomisë, duke njohur rëndësinë e ndërmarrësisë së grave, duke filluar nga viti 2012, për dhjetë vjet me radhë ka zbatuar masën për mbështetje financiare për gratë sipërmarrëse. Në 10 vitet e fundit, përmes kësaj mase janë subvencionuar gjithsej 179 kompani në pronësi dhe në udhëheqje të grave me gjithsej 17,261,252 denarë. Me qëllim mbështetjen e sipërmarrjes së grave në vitin 2018, ne miratuam Strategjinë për Zhvillimin e Sipërmarrjes së Grave në Maqedoninë e Veriut 2019 – 2023, e cila konfirmoi vendosmërinë e Qeverisë për të vazhduar me masat dhe aktivitetet e saj që synojnë mbështetjen dhe zhvillimin e grave sipërmarrëse, tha ministri Bekteshi pas nënshkrimit të memorandumit.
Siç theksoi Bekteshi, Ministria e Ekonomisë në bashkëpunim me institucionet e tjera kompetente qeveritare dhe sektorin joqeveritar po zbaton Strategjinë për Zhvillimin e Sipërmarrjes së Grave, kurse promovimi i sipërmarrësisë së grave, rrjetëzimi dhe avokimi është një nga prioritetet e Strategjisë.

“Prandaj, është e nevojshme të zhvillohen dhe mbështeten shoqatat që punojnë në fushën e sipërmarrjes së grave dhe të krijohet një proces i përfaqësimit të interesave të tyre në sektorin publik. Me këtë Memorandum si Ministri e Ekonomisë do të krijojmë bashkëpunim që do të synojë fuqizimin ekonomik të grave duke arritur qëllimet strategjike dhe zbatimin e masave si dhe aktiviteteve të parashikuara në kuadër të Strategjisë për Zhvillimin e Grave Sipërmarrëse”, ceku ministri.

Valentina Disoska nga Platforma Kombëtare e Grave Sipërmarrëse tha se krijimi i Platformës Kombëtare për Sipërmarrjen e Grave dhe nënshkrimi i këtij Memorandumi Bashkëpunimi vjen si një sublimat i punës aktive në fushën e forcimit të sipërmarrësisë së grave në 10 vitet e fundit.
“Si rezultat i bashkëpunimit me Ministrinë e Ekonomisë, doli Strategjia Kombëtare për Sipërmarrjen e Grave, në të cilën një nga shtyllat është promovimi aktiv për rritjen dhe zhvillimin e ndërmarrësisë së grave. Ne po punojmë në mënyrë aktive për të përmirësuar situatën e grave sipërmarrëse si dhe infrastrukturën për zhvillimin e ndërmarrësisë së grave,” tha Disoska.

Marketing

TË FUNDIT

Grubi: Gjykata kushtetuese jep dritë të gjelbër për koridorin 8 dhe 10

Zëvendës kryeministri i parë dhe ministër për Sistem politk dhe marrëdhënie ndërmjet bashkësive Artan Grubi sot nëpërmjet rrjetit të tij në Facebook dha një...

Qeveria shkarkon Abdush Demirin nga Agjencioni për Punësim

Qeveria e Republikës së Maqedonisë së Veriut , në mbledhjen e vet të fundit të martën , vendosi që të shkarkojë Abdush Demirin nga...

Bekteshi: Lëshohet zyrtarisht në përdorim sistemi i ri i ndriçimit në Kodrën e Diellit

Tetovë, 08.12.2021 Ministri i Ekonomisë Kreshnik Bekteshi së bashku me ministrin e mjedisit jetësor dhe planifikimit hapësinor Naser Nuredini dhe me drejtorin e SHA ELEM...

Kryediplomati Osmani pret në takim Lazim Destanin: Prioritet bashkëpunimi

Presidenti i nderit i Dhomës së Biznesit të Diasporës Shqiptare z. Lazim Destani ka zhvilluar një takim me ministrin e Punëve të Jashtme të...

Zejd në Click plus: Në zgjedhje lokale VMRO-së ia pa hajrin vetëm Taravari

Skender Rexhepi-Zejdi në ClickPlus në TV21 tha se ALternativa nuk ka pasur dobi nga marrëveshja për bashkëpunim me VMRO-DPMNE-në në zgjedhjet lokale. “-A ia patë...