7.8 C
Skopje

Ali Ahmeti nga Dibra: Agjendën e blertë do e çojmë përpara me ekip dhe vizion, rretho numrin 3

Dibra ishte komuna e rradhës ku Bashkimi Demokratik për Integrim (BDI) e vazhdoi fushatën parazgjedhore duke prezantuar kështu kandidatin për kryetar komune Hekuran Dukën si dhe listën e kandidatëve për këshilltar në këtë komunë të kryesuar nga Fuat Spahiu.

Para të pranishmëve fjalim rasti ka mbajtur kryetari i BDI-së Ali Ahmeti, Zëvendëskryeministri i parë Artan Grubi si dhe kandidati për kryetar komune, Hekuran Duka.

Kryetari i BDI-së Ahmeti para të pranishmëve në Dibër tha është jashtëzakonisht mirënjohës për  mbështetjen e madhe dibrane.

“Për këto 20 vite unë jam mirënjohës për ju që keni dhënë mbështetje të parezervë sepse keni bërë vlerësimin e duhur ashtu siç vlerësojnë dibranët. Në plan të parë keni vendosur familjen, përparimin e kombit, edukatën, mirëkuptimin, tolerancën dhe pikërisht duke pasur këto orientime jemi vlerësuar dhe përkrahur nga pjesa dërmuese e shqiptarëve në këto hapësira. Ne kemi hapur  një kapitull të ri, Agjendën e gjelbër, me ekip të mirë dhe vizion, andaj këtë agjendë duhet të çojmë përpara”, tha kryetari i BDI-së Ahmeti.

Zëvendëskryeministri i parë Grubi, para të pranishmëve tha se do të vazhdojnë të mbështesin projektet për Dibrën sepse kështu bëjnë më të lehtë mirëqenien njerëzore.

“Dibranin e nderon ai që jeton në Dibër se e mbështet dibranin, ai që jeton dhe kalon me ju e din se çfarë vërtetë ju duhet juve. E shihni dallimin dhe vërtetë fjalimi i Hekuranit ishte vërtetë mbresëlënës, për dy vite aq shumë projekte dhe për katër vitet e ardhëshme edhe shumë projekte të cilat i ka dëgjuar nga ju e nuk i ka shpikur nga mendja e vet, po janë hallet e përditshme ndërsa detyrë e jona është që të qëndrojmë prapa Hekuranit në realizimin e projekteve. Ashtu siç janë zbatuar të gjitha projektet që Duka i kanë dorëzuar në Qeveri. Nuk ka projekt të cilin e prezantoi para jush dhe që do të lind si nevojë e juaja që nuk do i qëndrojmë prapa sepse kështu na ka udhëzuar Ali Ahmeti. Ne po flasim për projekte, ne flasim për realizim të nevojave tuaja, për gazifikum e hekurudha, kanalizim e shumë projekte të tjera. Kur ju më 17 tetor do të na obligoni neve me fitore të madhe, do na bëni borxhli për të mbështetur gjithçka që tha Hekurani në programin e tij”, tha Zëvendëskryeministri i parë, Grubi.

Kandidati për kryetar në komunën e Dibrës, Hekuran Duka tha se projektet në këtë komunë do të vazhdojnë në mandatin e ri.

“Po ritakohemi sërish pas një gjysëm mandati që edhe pse dy vjeçar për nga kohëzgjatja por shumë më shumë se aq për nga përmbajtja, intenziteti dhe produktiviteti, një rrugëtim 2 vjeçar ku parashikuam shumë çka. Arritëm me shumë mund dhe djersë që të kryejmë rreth 800 mijë euro investime nga buxheti i Komunës së Dibrës, kryesisht në Infrastrukturë, regullimin e ujit të pijshëm (faza e parë), rikonstruimin e qendrës së qytetit, sheshit Skënderbej, kënd modern lojërash për fëmijë, rrethrotullimin e ri të qytetit pranë spitalit, sanimin e rrugëve dhe rrugicave nëpër lagjet e qytetit me shtresa asfaltike apo pllakëzim, ndriçimi publik si dhe përkrahjen e shumë aktiviteteve sportive, kulturore dhe artistike”, ka thënë para të pranishmëve, Hekuran Duka kandidat i BDI-së për kryetar në komunën e Dibrës.

BDI nesër fushatën do ta vazhdojë në komunën e Sarajit ku do të prezantojë kandidatin për kryetar komune Blerim Bexhetin si dhe listën e kandidatëve për këshilltarë të kryesuar nga Muhamed Rama.

Marketing

TË FUNDIT

Grubi: Gjykata kushtetuese jep dritë të gjelbër për koridorin 8 dhe 10

Zëvendës kryeministri i parë dhe ministër për Sistem politk dhe marrëdhënie ndërmjet bashkësive Artan Grubi sot nëpërmjet rrjetit të tij në Facebook dha një...

Qeveria shkarkon Abdush Demirin nga Agjencioni për Punësim

Qeveria e Republikës së Maqedonisë së Veriut , në mbledhjen e vet të fundit të martën , vendosi që të shkarkojë Abdush Demirin nga...

Bekteshi: Lëshohet zyrtarisht në përdorim sistemi i ri i ndriçimit në Kodrën e Diellit

Tetovë, 08.12.2021 Ministri i Ekonomisë Kreshnik Bekteshi së bashku me ministrin e mjedisit jetësor dhe planifikimit hapësinor Naser Nuredini dhe me drejtorin e SHA ELEM...

Kryediplomati Osmani pret në takim Lazim Destanin: Prioritet bashkëpunimi

Presidenti i nderit i Dhomës së Biznesit të Diasporës Shqiptare z. Lazim Destani ka zhvilluar një takim me ministrin e Punëve të Jashtme të...

Zejd në Click plus: Në zgjedhje lokale VMRO-së ia pa hajrin vetëm Taravari

Skender Rexhepi-Zejdi në ClickPlus në TV21 tha se ALternativa nuk ka pasur dobi nga marrëveshja për bashkëpunim me VMRO-DPMNE-në në zgjedhjet lokale. “-A ia patë...