2.8 C
Skopje

Bekteshi: Çmimi i energjisë elektrike mbetet i njëjtë deri në fund të vitit

Për momentin nuk ka nevojë që të shpallet gjendje krize në pjesën e energjetikës, deklaroi sot ministri i Ekonomisë, Kreshnik Bekteshi, duke theksuar se deri në fund të vitit nuk do të ketë rritje të çmimit të energjisë elektrike për amvisëritë.

“Shok të madh çmimesh nuk do të ketë dhe për këtë jam i bindur. Do të intervenojmë kudo ku ka nevojë që të mos ketë shok të tillë të çmimeve. Nuk besoj se do të jemi në situatë të tillë në janar”, tha Bekteshi në konferencën e sotme për shtyp, pas seancës së Komisionit për gjendje krize elektroenergjetike, duke shtuar se që tani askush nuk mund të garantojë nëse do të ketë rritje të çmimit pas Vitit të Ri, pasi bëhet fjalë për krizë botërore e cila reflektohet edhe mbi rrjetin tonë elektroenergjetik.

Bekteshi theksoi se veç më është duke punuar edhe blloku i dytë i REK “Manastir”, i cili shpreson se deri në fund të ditës do të punojë me kapacitet të plotë ndërsa veç më është dërguar letër në odat ekonomike për furnizimin e mazutit në rast se duhet të kyçet TEC “Negotinë”. Ministri shpreson se do të jetë i suksesshëm edhe tenderi për furnizimin e thëngjillit për nevojat e bllokut të tretë të REK “Manastir”, i cili, sipas vlerësimeve të tij, do të fillonte me punë për tre deri në katër javë. Nëse tenderi për bllokun e tretë të REK “Manastir” nuk është i suksesshëm, atëherë Bekteshi e paralajmëroi edhe në takim të Komisionit dhe EMV dhe ka të drejtë të blejë energji elektrike jashtë vendit.

Gjendje krize në pjesën e energjetikës propozon Qeveria me propozim të Komisionit për gjendje krize elektroenergjetike të cilin e drejton ministri i Ekonomisë. Në rast se shpallet gjendje krize ekziston një set masash prej të cilave disa janë të a.q. masa të lehta, ndërsa një pjesë janë masa të cilat do t’i sjellë Qeveria, siç janë për shembull masa kur dhe sa të përdoret ndriçimi rrugor.

Komisioni për gjendje krize elektroenergjetike përbëhet nga pesë anëtarë ekspertë, përfaqësues i prodhuesit më të madh të energjisë elektrike – SHA EVM, bartës i licencës për prodhimin e energjisë elektrike, për përçim – MEPSO, për shpërndarje – EVN, Komisioni Rregullator për Energjetikë dhe Ministria e Ekonomisë.

“Qëllimi i tij është ndjekja, analizimi dhe vlerësimi i gjenedjes energjetike në vend. Sot u mbajt takimi i parë”, ndërsa siç tha Bekteshi, shpreson se nuk do të ketë nevojë për konvokimin e sërishëm të tij.

Marketing

TË FUNDIT

Bekteshi:RMV bën tranzicionin e parë energjetik si shembull për vendet e Ballkanit Perëndimor

Ministri i Ekonomisë Kreshnik Bekteshi prezantoi aktivitetet e ndërmarra në fushën e energjetikës në Maqedoninë e Veriut në Mbledhjen e 19-të të Këshillit të...

Besimi: Sistemi tatimor më efikas dhe më i drejtë për rritje të qëndrueshme dhe të përshpejtuar

Ministria e Financave së bashku me Drejtorinë e të Ardhurave Publike vazhdojnë të punojnë në ndërtimin e një sistemi tatimor më efikas dhe më...

S’kanë të ndalur ofendimet e Aleancës ndaj Alternativës

Deri pak kohë më parë në koalicion në frontin e përbashkët opozitarë ndërsa tani situata ka ndryshuar mes dy partive shqiptare Alternativës dhe Aleancës...

Grubi – Geer: Kontesti me Bullgarinë të mbyllet sa më shpejtë, koha për datë

Zëvendëskryeministri i parë dhe ministër për Sistem politik dhe marrëdhënie ndërmjet bashkësive, z. Artan Grubi sot ka pritur në takim ambasadorin e BE-së në...

Grubi – Kyuchyuk: Falenderim ndaj Bullgarisë për profesionalizmin dhe menaxhimin e situatës

Zëvendëskryeministri i parë dhe ministër për Sistem politik dhe marrëdhënie ndërmjet bashkësive, z. Artan Grubi i shoqëruar nga eurodeputeti Ilhan Kyuchyuk, ministri i Ekonomisë,...