2.8 C
Skopje

Deputeti i ASH-AAA: “U mashtruam! Do të tërheq nënshkrimin”

Një nga 12 deputetët e ASH-AAA, me të cilin ka biseduar TV21, pritet të tërheq nënshkrimin e tij nga “shumica e re” të cilën të premten mbrëmë e lajmëroj #HristijanMickoski i VMRO-DPMNE!

Polemikat tek disa deputetë shqiptar, tek kjo shumicë e re, janë ngritur rreth qëndrimeve që mban E Majta (Levica) e që nuk përputhen me profilin e tyre politik!

“Na kanë mashtruar…do të tërheq nënshkrimin”, tha për TV21 një nga deputetët shqiptar, që kërkoi të mos citohet me emër!

Ndryshe, qëndrimi zyrtar i ASH-AAA, si grupim politik mbetet i pandryshuar!

Deputeti Halil Snopçe tha për TV21 se shumica e re mbetet e pandryshuar, pavarësisht zërave që shfaqen se ka deputetë që kanë “ndërru mendje”.

Ai thotë me bindje se 12 deputetët të Aleancës për Shqiptarët dhe Alternativës, janë të njëzëri!

“61 nënshkrime janë të deponuara”, tha Snopçe për TV21, duke konfirmuar numrat në kuvend.

Partneri i ri i opozitës, me 3 deputetë, Lëvizja Besa, shprehet se pas 48 orëve, gjithçka pritet të qartësohet!

Arijanit Hoxha, të premten përfaqësoj Besën, kur Mickoski shpalli fundin e qeverisë Zaev2!

Hoxha është ministër i bujqësisë në qeverinë aktuale, në dorëheqje!

Edhe opinioni publik ndërkaq duket i ndarë rreth zhvillimeve të fundit, pasi Lëvizja Besa bëri ndërrimin e partnerëve të qeverisë, e në veçanti debati u përqendrua rreth asaj se çka përfaqëson #Levica!

Mirëpo, Besa shkak merr tek zgjedhjet në Zhelinë, ku u anulua rezulati në një vendvotim, dhe kështu edhe fitorja e Blerim Sejdiut!

Vendimi për daljen e Besës nga qeveria me LSDM-në dhe kalimi në koalicion me VMRO-DPMNE, sipas kësaj partie ishte i nevojshëm!

Kryetari i Lëvizjes Besa, Bilall Kasami, kur u thirr nga TV21 të shtunën ishte në zyrën e tij të re, në komunë të Tetovës!

Telefonatat nuk i ndaleshin.

Ai shpjegon për TV21 se pavarësisht rrethanave politike, shumica e re do t’i ketë edhe më shumë deputetë sesa deri më tani me LSDM-në!

“Ne bëmë shumicën e re (61 deputetë) dhe do t’i shtojmë numrat ditëve në vijim”, tha Kasami për TV21.

Kryetari i Alternativës Afrim Gashi, nuk iu përgjigj as thirrjeve dhe as porosive që i shkroi redaksia e TV21.

As Zejdi Rexhepi dhe Hysni Ismaili, nuk përgjigjen!

Jozyrtarisht mësohet se kryetari i partisë po kërkon unitet tek deputetët e Alternativës!

Edhe për këtë gjë u pyet Gashi, por s’u përgjigj!

Përgjigje s’ka dhënë as Fadil Zendeli i Lëvizjes Besa!

Afat për sqarim të fuqisë politike në kuvend ka dhënë edhe Hristijan Mickoski, duke i kërkuar kryeministrit Zoran Zaev që deri të hënën ta deponojë dorëheqjen në kuvend, ose të shkarkohet nga “shumica e re”!

Marketing

TË FUNDIT

Bekteshi:RMV bën tranzicionin e parë energjetik si shembull për vendet e Ballkanit Perëndimor

Ministri i Ekonomisë Kreshnik Bekteshi prezantoi aktivitetet e ndërmarra në fushën e energjetikës në Maqedoninë e Veriut në Mbledhjen e 19-të të Këshillit të...

Besimi: Sistemi tatimor më efikas dhe më i drejtë për rritje të qëndrueshme dhe të përshpejtuar

Ministria e Financave së bashku me Drejtorinë e të Ardhurave Publike vazhdojnë të punojnë në ndërtimin e një sistemi tatimor më efikas dhe më...

S’kanë të ndalur ofendimet e Aleancës ndaj Alternativës

Deri pak kohë më parë në koalicion në frontin e përbashkët opozitarë ndërsa tani situata ka ndryshuar mes dy partive shqiptare Alternativës dhe Aleancës...

Grubi – Geer: Kontesti me Bullgarinë të mbyllet sa më shpejtë, koha për datë

Zëvendëskryeministri i parë dhe ministër për Sistem politik dhe marrëdhënie ndërmjet bashkësive, z. Artan Grubi sot ka pritur në takim ambasadorin e BE-së në...

Grubi – Kyuchyuk: Falenderim ndaj Bullgarisë për profesionalizmin dhe menaxhimin e situatës

Zëvendëskryeministri i parë dhe ministër për Sistem politik dhe marrëdhënie ndërmjet bashkësive, z. Artan Grubi i shoqëruar nga eurodeputeti Ilhan Kyuchyuk, ministri i Ekonomisë,...