7.8 C
Skopje

IFIMES: Shqiptarët ia dorëzojnë Maqedoninë Rusisë

Në Kuvendin e Maqedonisë së Veriut më 11 nëntor 2021 do të mbahet votëbesimi për Qeverinë. Para syve të opinionit maqedonas dhe atij ndërkombëtar po zhvillohet faza e fundit e operacionit sekret të inteligjencës, i cili synon kthimin e Nikolla Gruevskit (VMRO-DPMNE) në Maqedoninë e Veriut dhe rrëzimin e qeverisë aktuale, shkruan Instituti Ndërkombëtar IFIMES.

Ata theksojnë se e kanë paralajmëruar opinionin se Zoran Zaev (LSDM) dhe qeveria e tij do të rrëzohen pas zgjedhjeve lokale dhe se ky skenar është aktualisht në fazën përfundimtare të zbatimit.

“Procesi filloi publikisht me publikimin e “non-papers” që i atribuohen kryeministrit slloven Janez Jansa (SDS). Dy procese paralele destabilizimi po ndodhin në Maqedoninë e Veriut dhe Bosnje-Hercegovinë, të dyja të koordinuara nga Budapesti. “Çështja e rolit të Sllovenisë si kryesuese e BE-së dhe kryeministrit të saj Janez Jansa në këto procese është e justifikuar,” analizon IFIMES.

Analistët thonë se është e habitshme që disa shqiptarë ndjekin interesat ruse.

“Ngjarjet në prapaskenë në skenën politike maqedonase tregojnë se disa shqiptarë ende punojnë ngushtë me VMRO-DPMNE-në dhe Nikolla Gruevskin. Bashkëpunimi i shqiptarëve të Maqedonisë me rusët nuk është i shkruar në historinë moderne të shqiptarëve, të cilët i ndërtuan marrëdhëniet e tyre strategjike në radhë të parë me SHBA-në. Ngjarjet në Maqedoninë e Veriut janë veçanërisht të rrezikshme, sepse në të njëjtën kohë ato sinkronizohen me ngjarjet në Bosnje dhe Hercegovinë, si një paralajmërim për një destabilizim të ri të rajonit, duke mos përjashtuar konfliktet e armatosura. “Patjetër që disa shqiptarë do të jenë në anën e Rusisë me lëvizjet e tyre të gabuara politike dhe do t’ia dorëzojnë Rusisë Republikën e Maqedonisë së Veriut, gjë që do të tradhtojë besimin e votuesve shqiptarë”, shkruan Instituti.

Është indikative, sipas IFIMES, se dy vende të rajonit, anëtare të NATO-s dhe BE-së, po marrin pjesë aktive në operacionin “Kërcimi me kuaj”, njëra duke i ofruar azil Gruevskit dhe tjetra duke bllokuar Maqedoninë e Veriut për fillimin e negociatat për anëtarësim në BE.

“Të dyja vendet kanë njerëz me mendje të njëjtë në partitë opozitare në Maqedoninë e Veriut. Kështu, këto dy vende veprojnë drejtpërdrejt kundër interesave të organizatave në të cilat janë anëtarë. Një veprim i tillë nuk është parë në historinë e të dyja organizatave dhe ato tashmë duhet të shkaktojnë shqetësim të madh në Bruksel. “Është shqetësuese që sfidat dhe kërcënimet kryesore të sigurisë për Maqedoninë e Veriut vijnë nga vendet anëtare të NATO-s, anëtare e të cilave është Maqedonia e Veriut”, thuhet mes tjerave në këtë analizë.

Marketing

TË FUNDIT

Grubi: Gjykata kushtetuese jep dritë të gjelbër për koridorin 8 dhe 10

Zëvendës kryeministri i parë dhe ministër për Sistem politk dhe marrëdhënie ndërmjet bashkësive Artan Grubi sot nëpërmjet rrjetit të tij në Facebook dha një...

Qeveria shkarkon Abdush Demirin nga Agjencioni për Punësim

Qeveria e Republikës së Maqedonisë së Veriut , në mbledhjen e vet të fundit të martën , vendosi që të shkarkojë Abdush Demirin nga...

Bekteshi: Lëshohet zyrtarisht në përdorim sistemi i ri i ndriçimit në Kodrën e Diellit

Tetovë, 08.12.2021 Ministri i Ekonomisë Kreshnik Bekteshi së bashku me ministrin e mjedisit jetësor dhe planifikimit hapësinor Naser Nuredini dhe me drejtorin e SHA ELEM...

Kryediplomati Osmani pret në takim Lazim Destanin: Prioritet bashkëpunimi

Presidenti i nderit i Dhomës së Biznesit të Diasporës Shqiptare z. Lazim Destani ka zhvilluar një takim me ministrin e Punëve të Jashtme të...

Zejd në Click plus: Në zgjedhje lokale VMRO-së ia pa hajrin vetëm Taravari

Skender Rexhepi-Zejdi në ClickPlus në TV21 tha se ALternativa nuk ka pasur dobi nga marrëveshja për bashkëpunim me VMRO-DPMNE-në në zgjedhjet lokale. “-A ia patë...