22.8 C
Skopje

A do të jap dorëheqjen Mickoski për malltretimin e popullit për kapriçot e tij personale?

Lideri i VMRO-DPMNE-së, Hristijan Mickoski edhe një herë tregoi se për realizimin e dëshirave të tij personale dhe ardhjen në pushtet është i gatshëm të rrezikojë të ardhmen e gjithë vendit.

Sot në Kuvend dështoi një nga tentativat dhe deklaratat e shumta të Mickoskit për formimin e shumicës së re parlamentare. Këtë herë ai bëri koalicione dhe marrëveshje joparimore me parti dhe politikanë që i kishte kritikuar në të kaluarën.

Në dëshirën për pushtet dhe autoritet, Mickoski iu bashkua Zijadin Selës nga Aleanca për Shqiptarët, të cilin vetëm pak vite më parë e quajti njeri që e shumëzon popullin maqedonas me zero dhe nuk e njeh identitetin maqedonas.

Vetëm për të ardhur në pushtet, Mickoski rrezikoi të ardhmen euroatlantike të vendit, duke u bashkuar me partinë “E Majta” – një parti ekstremiste që kundërshton anëtarësimin e vendit në NATO dhe është për ndryshim të plotë të pozicionit gjeostrategjik të vendit. Ata janë edhe kundër Marrëveshjes së Prespës, por edhe për vendosjen e një partneriteti strategjik me Kinën.

Mirëpo, kjo tentativë e Mickoskit nuk kaloi në Kuvendin e Maqedonisë, kështu që shtrohet pyetja se a ka ardhur koha që ai përfundimisht t’i kërkojë falje popullit maqedonas, për gjithë këtë ngacmim dhe të tërhiqet nga politika. – shkruan centar.mk

Marketing