25.8 C
Skopje

Grubi: Koalicioni i opozitës me Levicën dëmtues për të ardhmen europiane jo vetëm të vendit por edhe të Shqipërisë

Zëvendëskryeministri i parë dhe ministër për Sistem politik dhe marrëdhënie ndërmjet bashkësive, Artan Grubi në emisionin “200” me Nazim Rashidin ka komentuar ndikimin negativ të tentativës për rrëzimin e qeverisë proeuropiane të vendit dhe bashkëpunimin e opozitës shqiptare me Levicën duke e cilësuar si të dëmshëm për proceset e integrimit jo vetëm të Maqedonisë së Veriut por edhe të Shqipërisë pasi që të dyja vendet janë pjesë e një pakoje në rrugëtimin në Bashkimin Europian.

“Maqedonia e Veriut po ballafaqohet përveç krizës energjetike dhe shëndetësore siç e shihni globale, nuk është vetëm rast i izoluar Maqedonia, po ballafaqohet me bllokadë nga ana e Bullgarisë për ëndrrën europiane dhe kjo bllokadë e Bullgarisë nuk po e bllokon vetëm, po e bllokon edhe Shqipërinë për arsye se që të dyja në pako janë në rrugëtimin drejt BE-së. Dmth veprimi i tyre me Levicën drejtëpërdrejtë dëmton përveç Maqedoninë e Veriut dhe Shqipërinë e udhëhequr momentalisht nga kryeministri Edi Rama dhe të gjithë qytetarët e Shqipërisë për arsye se edhe atyre ua shuan perspektivën europiane. Nuk mund të kërkosh nga një deputetë që të firmosë listën për të rrënuar ecjen europiane, integruese të Maqedonisë së Veriut.” – është shprehur Grubi.

Marketing