33.8 C
Skopje

Ruzhdi Matoshi: Kur VMRO e Mickovskit flet për korrupcion, ajo është hipokrizi

Ish politikani dhe profesori universitar, Ruzhi Matoshi ka reaguar ndaj akuzave të VMRO-DPMNE-së opozitare për korrupsionin në vend, shkruan FLAKA.

“NUK KEMI PARE PËR BUK, NDËRSA HARXHOJMË PËR ÇOKOLLADA – Thënia më korruptive e WRO-së, sa ka qeverisur me shtetin dhe paranë publike nga taksapaguesit e vendit. Në Maqedoninë e Veriut, korupcioni duhet të luftohet nga selia qendrore e VMRO-së, e cila u ndërtua nga parat e korupcionit. Është kjo parti që ndante vendin në bazë religjioni, e krijonte polici private dhe montonte raste tragjike për qytetarët e vet”, shkruan Matoshi në Facebook.

Sipas tij, është hipokrizi që VMRO të flas për korrupsion.

“Sot, kur flasin VMRO e Mickovskit për korupcion është hipokrizi, përderisa gjysma e kryesisë dhe deputetëve të saj raportojne me pikë dhe presje tek liderët e deridjeshëm Gruevski dhe Mihajllkov”, shkruan më tej Matoshi.

Ai e mbyll reagimin e tij me siç shprehet “shpresën e madhe se Shtetet e Bashkuara me masat antikorrupcion në Ballkan, kësaj partie politike të ja tregoj vendin ku e ka”. FLAKA

Marketing