29.8 C
Skopje

Kovaçevski–Papa Françesku: Maqedonia e Veriut dhe Vatikani janë të lidhura me përkushtim dhe respekt të ndërsjellë

Në audiencën tek Papa Françesku, si një nga aktivitetet qendrore të programit për nderimin e jetës dhe veprës madhështore të iluministëve Kirili dhe Metodi ,të cilët me misionin e tyre për të përhapur krishterimin në një gjuhë të kuptueshme për popujt sllavë, kryen edhe misionin e lidhjes së popujve të Evropës i vërtetuan marrëdhëniet miqësore me Selinë e Shenjtë, shkroi kryeministri Dimitar Kovaçevski në profilin e tij në Fejsbuk.

“Maqedonia e Veriut dhe Vatikani, janë të lidhura me përkushtim dhe respekt të ndërsjellë ndërtojnë miqësi të bazuar në traditat e përbashkëta historike, kulturore dhe fetare dhe figura të rëndësishme si shenjtorët Kirili e Metodi dhe Shën Nënë Tereza. Me Papa Françeskun ramë dakord se thelbi i veprimit tonë është mbështetja e bashkëqytetarëve tanë më të cenueshëm në kohë krize. Respektimi i dallimeve si një nga shtyllat e ndërtimit të një shoqërie në të cilën ka vend për të gjithë, reflektohet në traditën e tolerancës ndërfetare, respektimin e besimeve të ndryshme fetare dhe nxitjen e lirisë dhe demokracisë në Republikën e Maqedonisë së Veriut”, publikoi Kovaçevski.

Kryeministri Kovaçevski dhe delegacioni i Qeverisë së Republikës së Maqedonisë së Veriut, i cili ndodhet në një vizitë dyditore në Romë dhe në Vatikan, në kuadër të festimeve tradicionale për nder të 24 majit – Ditës së iluministëve mbarëslloven Shën Cirilit dhe Metodi, u pritën sot nga Shenjtëria e tij Papa Françesku.

Kovaçevski pati tet-a-tet takim me papën Françeskun, ndërsa më pas edhe audiencë në të cilën ishte shoqëruar nga vajza si edhe anëtarët e tjerë të delegacionit të Maqedonisë së Veriut – Bujar Osmani, ministër i Punëve të Jashtme, ministri i Punëve të Brendshme Oliver Spasovski dhe ministrja e Kulturës Bisera Kostadinovska Stojçevska. Martin Popovi, shef i kabinetit të kryeministrit, Ana Andreeva, sekretare për komunikim, marrëdhënie me publikun dhe protokoll të kryeministrit, Darijan Sotirovski, drejtor i Komisionit për marrëdhënie me bashkësitë fetare, Nikolla Jankullovski, rektor i universiteti Shën Cirili dhe Metodi, Pimen Ilievski, mitropoliti i KOM-AO, Josif Todorovski, mitropoliti i KOM-AO dhe Zoran Stojanov, dekan i Dioqezës së Kishës Katolike të Strumicës dhe Maria Efremova, ambasadore e Republikës së Maqedonisë së Veriut në Vatikan.

Në audiencën te Ati i Shenjtë Françesku, si një nga aktivitetet qendrore të programit për nderimin e jetës dhe veprës madhështore të iluministëve Kirili dhe Metodi, kryeministri Kovaçevski shprehu mirënjohjen për vizitën e Papa Françeskut në vendin tonë në vitin 2019, e cila ishte vizita e parë e një udhëheqësi të Kishës Katolike Romake që mbahet mend si historike.

“Gjatë bisedës me Papa Françeskun u theksua roli i vëllezërve iluministë Kirili dhe Metodi, të cilët me misionin e tyre për të përhapur krishterimin në një gjuhë të kuptueshme për popujt sllavë, kryen edhe misionin e lidhjes së popujve të Evropës. Maqedonia e Veriut dhe Vatikani, u theksua në takim, që nga vendosja e marrëdhënieve diplomatike 28 vjet më parë, me përkushtim dhe respekt të ndërsjellë ndërtojnë miqësi të bazuar në traditat e përbashkëta historike, kulturore dhe fetare dhe figura të rëndësishme si shenjtorët Kirili e Metodi dhe Shën Nënë Tereza”, kumtoi shërbimi qeveritar për shtyp.

Në takim u përshëndet iniciativa për nënshkrimin e një marrëveshjeje të plotë (konkordat) ndërmjet Maqedonisë së Veriut dhe Selisë së Shenjtë, për rregullimin e statusit të Kishës Katolike në vendin tonë dhe promovimin e bashkëpunimit në fusha me interes të përbashkët, veçanërisht në fushën e bashkëpunimit ndërmjet institucionet arsimore dhe arkivat e të dy vendeve.

Kryeministri Kovaçevski theksoi se me Papa Françeskun ranë dakord se thelbi i veprimit tonë është mbështetja e bashkëqytetarëve tanë më të cenueshëm në kohë krize. Respektimi i dallimeve si një nga shtyllat e ndërtimit të një shoqërie në të cilën ka vend për të gjithë, reflektohet në traditën e tolerancës ndërfetare, respektimin e besimeve të ndryshme fetare dhe nxitjen e lirisë dhe demokracisë në Republikën e Maqedonisë së Veriut.

Në takimin e Kryeministrit Kovaçevski dhe delegacionit e vendit me Papa Françeskun, u ndanë mesazhe shprese dhe dëshirë për prosperitet në periudhën postpandemike, por edhe në përballjen me krizën më të madhe ndonjëherë, duke theksuar se bashkëpunimi i frytshëm me Vatikanin do të thellohet sepse ndajmë të njëjtat vlera të mirëkuptimit të ndërsjellë, mbështetjes për më të cenuarit, barazisë, tolerancës dhe dinjitetit njerëzor.

Kryeministri Kovaçevski i dhuroi Papa Françeskut një fragment të punuar me dorë me shkrim kaligrafik në letër të punuar me dorë nga eulogjia e Shën Klimentit të Ohrit, një rruzare me perlë tradicionale të Ohrit dhe filigran, si dhe një disk vinyl të virtuozit maqedonas Vllatko Stefanovski.

Marketing