Shkencëtarët japonezë rritin lëkurën e njeriut të gjallë dhe vetë-shëruese që mund të vendoset në robotë

0
87

Një ekip studiuesish në Universitetin e Tokios të Japonisë, kanë zhvilluar veshje të indeve të gjalla të lëkurës për robotët që mund të kryejnë funksione bazë si vetë-shërimi dhe largimi i ujit.

Autori kryesor e inxhinieri Takeuchi Shoji dhe një ekip studiuesish zbuluan zhvillimin e indit të lëkurës njerëzore për robotët duke përdorur “një material mbulues”.

Kur përpunuan indin e lëkurës, studiuesit fillimisht zhytën gishtin e robotit në një cilindër të mbushur me një përzierje të përbërësve kryesorë të lëkurës së njeriut: kolagjenit dhe fibroblasteve.

Lëkura e njeriut që mund të vendoset në robotë

Duke përdorur qelizat e gjalla të lëkurës për veshjen, lëkura e robotit ishte në gjendje të kryente funksione bazë biologjike si vetë-riparimi dhe largimi i ujit.

Takeuchi shpjegoi se lëkura përbëhet nga dy shtresat e sipërme të lëkurës së njeriut – epiderma dhe derma – dhe është rreth 1.5 mm e trashë.

Edhe pse lëkura nuk ka gjëndra djerse dhe gjëndra të qimeve, ajo është në gjendje të lëvizë siç do të bënte lëkura e njeriut.

Ai gjithashtu theksoi se lëkura e robotit është më e dobët në krahasim me lëkurën e njeriut pasi ka nevojë të vazhdueshme për lëndë ushqyese dhe për heqjen e mbeturinave.

Takeuchi dhe ekipi i tij tani po studiojnë mënyra për ta bërë indin e lëkurës së robotit të zgjasë më gjatë dhe të përfshijë funksione më të avancuara të lëkurës, si folikulat e flokëve, gjëndrat e djersës dhe neuronet shqisore.

LEAVE A REPLY

Please enter your comment!
Please enter your name here