Luka Jovic, një nga blerjet më të shtrenjta, por më këqija në historinë e Real Madridit

0
78

Luka Jovic është larguar nga Real Madridi për t’iu bashkuar Fiorentinën falas.

Ai është tashmë në Firence, me klubin e Serisë A që informoi tifozët për ardhjen e ish sulmuesit të Eintracht Frankfurt.

Real Madrid ka rënë dakord të lejojë Jovic të largohet si transferim i lirë, por ata mbajnë 50 për qind të shitjes së ardhshme për dy viteve të ardhshme. Në këmbim, Fiorentina do të mbulojë pagën e lojtarit.

Real Madrid e kishte blerë hiq më pak se 63 milionë euro, ndërsa vlera e tij aktuale është 16 milionë euro sipas Transfermarkt.

Jovic është padyshim një nga nënshkrimet më të këqija në historinë e Real Madridit për sa i përket kostos dhe performancës.

63 milionë eurot që Real Madrid i pagoi Eintracht Frankfurt për nënshkrimin e tij e bëjnë Jovicin blerjen e tetë më të shtrenjtë në historinë e klubit.

Real Madridi nuk kishte paguar kurrë më parë një shumë të tillë për një sulmues qendre, ku nënshkrimi i dytë më i shtrenjtë ishte Ronaldo Nazario, i cili u transferua nga Interi për 45 milionë euro dhe i treti më i shtrenjtë ishte Benzema , i cili u bashkua nga Lyon për 35 milionë euro.


Sulmuesit më të shtrenjtë të Real Madridit

Jovic ( Eintracht ) 63 milionë euro
Ronaldo Nazario ( Inter ) 45 milionë euro
Benzema ( Lyon ) 35 milionë euro
Nicolas Anelka ( Arsenal ) 35 milionë euro
Alvaro Morata ( Juventus ) 30 milionë euro
Klaas-Jan Huntelaar ( Ajax ) 27 milionë euro
Mariano Diaz ( Lyon ) 21.5 milionë euro
Ruud van Nistelrooy ( Manchester United ) 15 milionë euro
Gonzalo Higuain ( River Plate ) 12 milionë euro
Michael Owen ( Liverpool ) 12 milionë euro

Jovic largohet nga Real Madrid, me vetëm tre gola në 51 paraqitje. Serbi, i cili erdhi pasi shënoi 40 gola në 93 ndeshje në Bundesligë, nuk arriti t’i përmbushte pritjet.

Babai i tij tha pak ditë më parë se kjo marrëveshje do të vërtetojë se kush kishte të drejtë. Nga njëra anë, djali i tij, nga ana tjetër, Zinedine Zidane, e më pas Carlo Ancelotti dhe një klub që nuk besonte më në të.


Top 10 transferimet më të shtrenjta të Real Madridit

Eden Hazard (2019) Chelsea 115 milionë euro
Gareth Bale (2013) Tottenham Hotspur 101 milionë euro
Cristiano Ronaldo (2009) Manchester United 96 milionë euro
Aurelien Tchouameni (2022) Monaco 80 milionë euro
Zinedine Zidane (2001) Juventus 77.5 milionë euro
James Rodriguez (2014) Monaco 75 milionë euro
Kaka (2009) AC Milan 67 milionë euro
Luka Jovic (2019) Eintracht Frankfurt 63 milionë euro
Luis Figo (2000) Barcelona 62 milionë euro
Eder Militao (2019) Porto 50 milionë euro

/Telegrafi/

LEAVE A REPLY

Please enter your comment!
Please enter your name here