Covid-19, në mesditë mbledhje e Komisionit për Sëmundje Infektive

0
72

Numri i të infektuarve me Covid-19 në baza ditore ngadalë filloi t’i afrohej një shifre katërshifrore. Ndërsa një bilanc të tillë vendi në të kaluarën kishte vetëm në periudhat kur infeksioni merrte vrull ose ishte në kulmin e tij. Situata e re do të diskutohet në mbledhjen e Komisionit për Sëmundje Infektive, i cili do të mbajë mbledhje në mesditë, transmeton Portalb.mk.

“Komisioni i Sëmundjeve Infektive do të mblidhet në orën 12 dhe në mbledhje do të diskutohet situata epidemiologjike dhe rekomandimet që do të merren, në formë rekomandimesh apo konkluzionesh do të ndahen menjëherë pas mbledhjes”, deklaroi dje për MIA-n Zllate Mehmedoviq, zëdhënës i Komisionit.

Vetëm ditën e djeshme numri i të infektuarve të rinj ishte 792. Ajo që është edhe më shqetësuese është se ky numër rastesh është zbuluar pasi janë kryer 1774 testime, që do të thotë se pothuajse çdo i dyti test i kryer ka rezultuar pozitiv. Është një tjetër shenjë se epidemia po merr sërish vrull sepse gjatë periudhave të qeta, përqindja e testeve pozitive zakonisht nuk është më e lartë se 10%.

Pothuajse gjysma e të infektuarve të rinj janë në Shkup. Numri i rasteve aktive aktualisht është relativisht i ulët, në 3.595, por po rritet me shpejtësi.

Në seancën e kaluar Komisioni për Sëmundje Infektive nuk ka miratuar masa shtrënguese shtesë.

Masat për mbajtjen e detyrueshme të maskës mbrojtëse në transportin publik, objektet shëndetësore, farmacitë dhe ambientet për kujdesin e të rriturve dhe personave me aftësi të kufizuara mbeten të vlefshme.

Komisioni u bën thirrje qytetarëve që të kujdesen për shëndetin e tyre, të shmangin vizitat në ambiente të mbyllura dhe të paajrosura, përveç rasteve urgjente. Në raste të tilla rekomandohet mbajtja e maskës mbrojtëse dhe mbajtja e distancës.

Javën e kaluar, Ministria e Shëndetësisë rekomandoi mbajtjen e maskave në dhoma të mbyllura gjatë qëndrimeve të gjata dhe ventilim të rregullt.

“Kur qëndroni në ambient të mbyllur për një kohë të gjatë, duhet të vendosen maska ​​dhe personat nga kategoritë e rrezikut duhet të mbajnë maskë të paktën FPP2 ose H95 ose FFP3. Ambientet në të cilat njerëzit qëndrojnë më gjatë (zyrat, klasat në kopshte, dhomat e mbledhjeve, etj.), si dhe ambientet sportive, duhet të inspektohen dhe dezinfektohen rregullisht. Të shmangen grumbullimet e panevojshme në grupe të mëdha dhe kur është e mundur të ruhet distanca prej dy metrash”, njoftoi Ministria.

LEAVE A REPLY

Please enter your comment!
Please enter your name here