Mbetjet e raketës së SpaceX gjenden në një tokë bujqësore në Australi

0
92

Agjencia Australiane e Hapësirës ka konfirmuar se mbeturinat e gjetura në një tokë bujqësore të NSW i përkasin SpaceX.

Sipas mediave të huaja, përcjell Telegrafi, tri pjesë të mbeturinave hapësinore janë gjetur deri më tani në rajon, të cilat konsiderohen si pjesët më të mëdha të gjetura në Australi që nga viti 1979.

Dy pjesë u inspektuan nga ekspertë teknikë nga Agjencia Australiane e Hapësirës dhe Policia e NSW të shtunën.

Policia ka konfirmuar që atëherë se ishte në dijeni edhe për gjetjen e pjesës së tretë në rajon.

Autoritetet besuan se mbeturinat hapësinore i përkisnin SpaceX-it, por ishin në pritje të konfirmimit.

“Agjencia ka konfirmuar se mbeturinat janë nga një mision SpaceX dhe vazhdon të angazhohet me homologët tanë në SHBA, si dhe me pjesë të tjera të Komonuelthit dhe autoritetet lokale sipas rastit”, ka thënë një zëdhënës i Agjencisë Australiane të Hapësirës.

Një lajm i tillë vjen pasi vendasit raportuan se kishin dëgjuar “një bum të fortë” më 9 korrik, i cili konsiderohej se ishte shkaktuar nga anija kozmike SpaceX Dragon, e cila u nis në nëntor 2020, duke rihyrë në atmosferën e Tokës.

Vendasve në rajone u është thënë gjithashtu se mund të gjenden akoma më shumë pjesë. /Telegrafi/

LEAVE A REPLY

Please enter your comment!
Please enter your name here