Arabia Saudite arrestoi një burrë që “ia kushtoi” Umren, Mbretëreshës Elizabeth II

0
72

Autoritetet saudite kanë arrestuar një burrë që pretendonte se kishte udhëtuar në qytetin e shenjtë mysliman të Mekës për një pelegrinazh për nder të mbretëreshës së ndjerë Elizabeth II.

Një burrë me kombësi jemenase publikoi një video në rrjetet sociale të hënën nga Xhamia e Madhe në Mekë, vendi më i shenjtë për myslimanët, në të cilin jomyslimanët u ndalohet të hyjnë.

Në video, ai mbajti titullin, “Umra për shpirtin e Mbretëreshës Elizabeth II, i kërkojmë Zotit që ta pranojë atë në mbretërinë e qiejve mes të drejtëve”.

Pamjet u përhapën shpejt në mediat sociale saudite dhe thirrjet për arrestimin filluan shpejt.

Arabia Saudite i ndalon pelegrinët në Mekë të mbajnë shenja dhe të bërtasin parulla, raporton thedailystar.

Edhe pse lejohet kryerja e umres në emër të anëtarëve të vdekur të besimit mysliman, kjo nuk vlen për ata që nuk janë, përfshirë Mbretëreshën e cila ishte kreu i Kishës së Anglisë, kisha kryesore e komunitetit botëror anglikan.

“Shërbimet e sigurisë së Xhamisë së Madhe kanë arrestuar një shtetas jemenas, i cili u shfaq në një video në të cilën mban një mbishkrim brenda Xhamisë së Madhe, duke shkelur kështu rregullat dhe udhëzimet për umren”, thuhet në një deklaratë të transmetuar nga mediat shtetërore.

“Ai është arrestuar, ndaj tij do të merren masa ligjore dhe është dërguar në Prokurorinë e Shtetit”, kanë përfunduar ata, raporton thetimesisrael.

Televizioni shtetëror raportoi mbi incidentin, duke përfshirë një video të diskutueshme, por titulli i diskutueshëm ishte i paqartë.

Umra është një pelegrinazh që mund të bëhet në çdo kohë, ndryshe nga Haxhi që zhvillohet një herë në vit dhe zakonisht tërheq miliona nga e gjithë bota.

Mbretëresha Elizabeta II. ajo vdiq të martën e kaluar dhe varrimi i saj është planifikuar për 19 shtator. /Telegrafi/

LEAVE A REPLY

Please enter your comment!
Please enter your name here