Ministri i Arsimit dhe Shkencës, Jeton Shaqiri përmes një statusi në profilin e tij personal në Facebook ka shkruar se nevoja për ndërtimin e Korridorit 8 është e pashmangshme.
Ai thotë se me këtë projekt kapital infrastrukturor do të jemi më afër qyeteteve tona dhe njerëzve tanë.
Postimi i plotë:
Si unë, edhe shumë struganë udhëtojnë disa herë në javë për në Shkup. Kush për studime, kush për punë, për angazhime të ndryshme si dhe për argëtim.
Nga ana tjetër, Struga me bukurinë natyrore mbledh çdo ditë e më shumë vizitorë nga të gjitha qytetet.
Tani e tutje Koridori 8, do të na bashkojë akoma më tepër. Do jemi më afër qyteteve tona dhe më afër njerëzve tanë.
Struga dhe Shkupi më afër se kurrë!