Kryeministri izraelit, Benjamin Netanyahu, i tha presidentit amerikan Joe Biden në një telefonatë të premten se komentet publike që ai bëri të enjten, në të cilat ai dukej se refuzonte idenë e krijimit të një shteti palestinez, nuk kishin për qëllim të përjashtonin mundësinë e një shteti palestinez.
Biden dhe Netanyahu diskutuan atributet e mundshme të një shteti të ardhshëm palestinez në një bisedë “të detajuar” dhe “serioze”, tha një burim për CNN, transmeton Klan Kosova.
Zyrtarët e administratës së Biden kanë diskutuar kohët e fundit mundësinë e një shteti të ardhshëm palestinez të çmilitarizuar, një ide që Biden e gjen “intriguese”, shtoi personi.
Netanyahu në një konferencë shtypi të enjten tha se “Izraeli ka nevojë për kontroll të sigurisë mbi të gjithë territorin në perëndim të Jordanisë” në çdo marrëveshje të ardhshme të arritur pas luftës së vazhdueshme Izrael-Hamas.
Këto komente u kuptuan gjerësisht si një refuzim i idesë së krijimit të një shteti palestinez – komponenti qendror i një zgjidhjeje me dy shtete, të cilin Biden e ka mbështetur dhe mbrojtur prej kohësh.